:+:蜜瓜螺頭豬骨湯:+: (附食譜)

天氣乾燥.. 唔止涼粉子腳踭爆拆... 就連陳豬卡都腳踭爆拆仲流血呢~~

之前POST左相仔上FACEBOOK嚇親大家涼粉子真係好唔好意思...

所以... 唔再POST張相喇~~

你地... 想睇就去FACEBOOK睇啦~~

真係唔止要飲多啲湯水.. 仲要唔懶得搽搽CREAM

仲要幫卡豬搽狗狗防爆扑CREAM呢~~~~ 哈哈~~  

 之前多得朋友仔幫忙入左個大嘅28CM LC磨砂紫鑄鐵鍋..

第一次用就煲個數一數二嘅最愛湯水甜一甜佢啦~~

 :+:蜜瓜螺頭豬骨湯:+:

材料及做法: 

螺頭乾 - 6粒 (用清水浸後洗淨隔水)
淮山 - 數片 (用清水浸後洗淨隔水)
杞子- 大約1湯匙 (用清水浸後洗淨隔水)
圓肉 - 大約1湯匙 (用清水浸後洗淨隔水)
薑- 數片
蜜瓜 - 1個 (去皮去籽切大件)

無花果 - 4粒 (用清水浸後洗淨隔水)
豬骨 - 1條 (清水蓋面後飛水去油去肥去雜質..洗淨後備用)
百合-  大約1湯匙 (用清水浸後洗淨隔水)

加水清水~

大火水滾後加入全部材料, 滾起後轉細火煲1個半小時即可~  

熄火調味~~

 好好味~ 唔知由幾時開始.. 涼粉子鍾意飲蜜瓜湯多過就咁食蜜瓜呀~~~